नेपाली नागरिकता सम्बन्धी
१. वंशजको आधारमा नागरिकता प्राप्त गर्न के कस्ता कागजातहरु आवश्यक पर्दछन् ?
- बुबाको नागरिकता
- आमाको नागरिकता
- जन्म दर्ता
- शैक्षिक प्रमाणपत्र
- विवाहित महिलाको हकमा पतिको नागरिकता र विवाह दर्ता समेत ।
- अनुसूची -1 बमोजिमको वार्ड सिफारिस
- सनाखत गर्ने व्यक्तिको नागरिकता
माथि उल्लेखित कागजातहरुको सक्कल र फोटोकपी दुवै प्रति।
२. पितृत्व नखुलेको अवस्थामा कस्तो प्रकारको नागरिकता प्राप्त गर्न सकिन्छ ?
- पितृत्व नखुलेको अवस्थामा पनि यदि नेपाली आमाबाट जन्मेको नागरिकलाई वंशजको नागरिकता प्रदान गरिन्छ ।
३. पिता विदेशी आमा नेपाली भए कस्तो नागरिकता प्रदान गरिन्छ ?
- पिता विदेशी र आमा नेपाली नागरिक भएमा अंगिकृ नेपाली नागरिकताको प्रमाणपत्र प्रदान गरिन्छ।
४. आमा विदेशी र पिता नेपाली नागरिक भएमा कस्तो नागरिकता प्रदान गरिन्छ ?
- पिता नेपाली र आमा विदेशी भएमा निजका सन्तानले वंशजको नाताले नागरिकता प्राप्त गर्दछन् ।
५. विदेशी महिलाले नेपाली नागरिकसँग विवाह गरेको अवस्थामा कस्तो प्रकारको नागरिकता प्राप्त गर्दछिन् ?
- नेपाली पुरुषसँग विवाह गर्ने विदेशी महिलाले वैवाहिक अंगिकृत नागरिकता प्राप्त गर्दछिन ।
६. वैवाहिक अंगिकृत नागरिकता र अंगिकृत नागरिकता प्राप्त गर्न कुन अनुसूची भर्नुपर्दछ ?
- अंगिकृत नागरिकता वा वैवाहिक अंगिकृत नागरिकता दुवैका लागि अनुसूची -7 भरी सिफारिस पेश गर्नुपर्दछ ।
७. नेपाली नागरिकता परित्याग गर्न कुन कुन कागजात प्रयोग गर्नुपर्छ ?
- अनुसूची -9 बमोजिमको फाराम भरी निवेदन दिनुपर्दछ ।
- विदेशी मुलुकको नागरिकता र राहदानी ।
- नेपालबाट प्राप्त गरेको सक्कलै नेपाली नागरिकता ।
८. गैह्र आवासीय नागरिकता प्राप्त गर्न के के कागजात चाहिन्छ ?
- सम्बन्धित जिल्ला प्रशासन कार्यालयबाट नेपाली नागरिकता परित्याग गरेको निस्सा ।
- वार्ड सिफारिस ।
- विदेशी मुलुकको राहदानी ।
- विदेशी मुलुकको नागरिकता ।
- सनाखत गर्नेको नागरिकता ।
९. वैवाहिक अंगिकृत नागरिकता प्राप्त गर्न के के कागजातहरु चाहिन्छ ?
- सम्बन्धित वार्डको अनुसूची ७ बमोजिमको नागरिकता
- पतिको नागरिकता
- विवाह दर्ता
- विदेशी नागरिकता परित्याग गर्न प्रकृया चलाएको निस्सा ।
- विदेशी नागरिकता परित्याग गर्न प्रकृया चलाएको निस्सा भारतीय डिस्ट्रिक्ट मेजिस्ट्रेडलाई पठाएको हुलाक रजिस्ट्री गरेको सक्कलै हुलाक टिकट ।
१०. विवाह दर्ता अनुसार नागरिकता संशोधन गर्न के के कागजातहरु आवश्यक हुन्छ ?
- विवाह दर्ता ।
- माइतीबाट लिएको सक्कल नागरिकता ।
- वार्ड सिफारिस ।
- पतिको नागरिकता
- सनाखत गर्न आउने एकाघरका व्यक्तिको नागरिकता
११. बसाईसराई अनुसार नागरिकता संशोधन गर्न के के कागजातहरु आवश्यक हुन्छ ?
- बसाईसराई प्रमाणपत्र ।
- वार्ड सिफारिस ।
- सक्कल नागरिकता ।