नागरिक एप सम्बन्धमा
१. नागरिक एपको लागि आफ्नै नामको मोबाइल सिम हुनु जरुरी हुन्छ ।
२. नागरिकतामा भएको नाम थर, जारी जिल्ला, जारी मिति, जन्म मिति जस्ता विवरण सिम किन्दा भरिने फाराममा दुरुस्त मिल्नु पर्दछ ।
३. सिम किन्दा नेपाल टेलिकमको सफ्टवेयरमा भएको विवरण र नागरिकताको विवरण एउटै हुनुपर्दछ ।
४. महिलाहरुले विवाह अघि किनेको सिममा माइतीकै थर हुने गर्दछ र विवाह पछि थर परिवर्तन गरी नागरिकता बनाएको भए परिवर्तित थर नै राख्नु पर्दछ ।
५. विवाहित महिलाले अविवाहित अवस्थामा प्राप्त गरेको नागरिकतामा अर्को जिल्लामा विवाह भई पतिको नामथर र ठेगाना कायम गरी नागरिकता संशोधन गरे पश्चात पनि नागरिकता जारी जिल्ला माइती जिल्ला नै राख्नु पर्दछ ।
६. खासगरी नामको Spelling मा विशेष ख्याल राख्नुपर्ने हुन्छ ।
७. नागरिकता नम्वरमा भएको dash(-), slash (/) जस्ता चिन्हहरु समेत अनिवार्यरुपमा प्रविष्टी (इन्ट्री) गर्नुपर्दछ ।